'Miro in Cube' es una hackaton euroregional de 56 oras que mantas equipas i concebon una solucion toristica simultàniament a Perpinhan, Barcelona e Palma. La finala del concors, de portada euroregionala, s'es debanada dins la Sala Damm del Barcelona Tech City.
Los finalistas èran : Perpinnyà Sync-Up, Prix Trip e Assistravel; Barcelona: Ecofriendly, Local Amic e Local Experience; Palma: Ecoloop, Smartmove e WINDD.
A la fin finala, cada territòri es estat representat per tres finalistas. Es a dire, tres per las Islas Balearas, tres per Catalonha e tres per Occitània. L’equipa vencedora de la finala euroregional a recebut 5.000€ en prestacions de servicis per desvolopar la lora proposicion de solucion innovadora.
L’Euroregion es estat representada per lo sieu director general, Xavier Bernard-Sans; per la directritz generala d’Innovacion del Govèrn de las Islas Balearas, Núria Riera; pel director general de la Modernizacion e Administracion Numerica de las Islas Balears, Ramon Roca; pel director executiu de l’Agéncia Catalana de Torisme, Patrick Torrent; e pel director de Torisme e Termalisme de la Region Occitània, Igor Knibiehly.
La tematica d’aquela edicion a gravitat entorn de l’aplicacion de l'intelligéncia artificiala al sector del torisme. En aquel esgard, a las equipas qu'an participat a la tresena edicion de Gardi in Cube lor a calgut desvolopar de solucions innovadoras per donar una responsa a de problèmas que ligan de sectors coma lo desvolopament durable, la cultura o l’accessibilitat e lo torisme.
Lo Prèmi Euroregional a l'Innovacion es estat autrejat per un jurat internacional amb representacion dels tres territòris que conforman l’EPM. A part del sosten economic, que s’elèva a 15.000€, l’Euroregion a aportat tanben la siá expertesa en las sessions de coaching presenciala faitas a Perpinhan e a distància –amb lo programa informatic MIC.
Lo concors Gardi in Cube es un concors dobèrt a totes. Per s'i inscriure, cal solament aver una idèa, un projècte o desirar èsser part d’una equipa a qui òm vòl aportar las siás capacitats.
Podètz trobar mai d'informacion al web www.miroincube.eu
.