Dins l’encastre de l’apèl a projèctes cultura, l’EPM ven d’atribuir e de repartir una envolopa de 140.000€ als sèt projèctes culturals de portada euroregionala seguents:
Transefemèrs. Cap de fila: Consorci Transversal - Xarxa d’Activitats Culturals (Catalonha). Partenaris: Associacion La Insòlita (Islas Balearas) e Associacion Champ Libre (Region Occitània). Montant de la subvencion: 24.000€.
Lo projècte prepausa una collaboracion entre mantun festivals d’art efemèr (installacions artisticas temporàrias : art arquitectural, installacions luminosas, art visual, art urban, etc.) que se debanan dins l’espaci public e que cercan a revalorizar lo patrimòni cultural per la creacion contemporanèa.
Art e Territòri. Cap de fila: Associacion Idensitat (Catalonha). Partenaris : Casa Planas (Islas Balearas), La Escocesa (Catalonha) e Le BBB Centre d’Art (Region Occitània). Montant de la subvencion : 24.000€. Art e Territòri es una ret de residéncias pel sosten a la recèrca e a la produccion artistica en Catalonha, a las Islas Balearas e en Region Occitània. Mesa en òbra dins un procediment de trabalh en comun, s’apièja sus un encastre espacial e conceptual partejat pels membres de la ret : la «periferia».
Transefemèrs. Cap de fila: Consorci Transversal - Xarxa d’Activitats Culturals (Catalonha). Partenaris: Associacion La Insòlita (Islas Balearas) e Associacion Champ Libre (Region Occitània). Montant de la subvencion: 24.000€.
Lo projècte prepausa una collaboracion entre mantun festivals d’art efemèr (installacions artisticas temporàrias : art arquitectural, installacions luminosas, art visual, art urban, etc.) que se debanan dins l’espaci public e que cercan a revalorizar lo patrimòni cultural per la creacion contemporanèa.
Art e Territòri. Cap de fila: Associacion Idensitat (Catalonha). Partenaris : Casa Planas (Islas Balearas), La Escocesa (Catalonha) e Le BBB Centre d’Art (Region Occitània). Montant de la subvencion : 24.000€. Art e Territòri es una ret de residéncias pel sosten a la recèrca e a la produccion artistica en Catalonha, a las Islas Balearas e en Region Occitània. Mesa en òbra dins un procediment de trabalh en comun, s’apièja sus un encastre espacial e conceptual partejat pels membres de la ret : la «periferia».
Dèlta. Residéncias de creacion euroregionala. Cap de fila: Associacion Es Far Cultural (Islas Balearas). Partenaris: Jiser Reflexions Mediterrànies (Catalonha) e Centre d’art Le Lait (Region Occitània). Montant de la subvencion : 23.000€.
Aqueste projècte prevei la seleccion, pel biais d’un apèl a candidatura obèrt, de sièis artistas (dos de cada region) qu’auràn l’oportunitat de realizar un sejorn de dos meses dins la residéncia d’artistas de Montpalau, a Menòrca. Tres fasas son pensadas: un sejorn de creacion e escambis a Menòrca, una primièra mòstra a Barcelona e una segonda a Albi.
Cinèma Liure a la Bibliotèca. Cap de fila: Mago Production (Catalonha). Partenaris : Godo Films (Region Occitània) e APAIB (Islas Balearas). Montant de la subvencion: 21.000€. Lo projècte sosten la produccion audiovisuala locala e afortís l’utilizacion de las bibliotècas coma espaci social que visa a la cooperacion entre mantun sectors culturals de l’Euroregion.
Aqueste projècte prevei la seleccion, pel biais d’un apèl a candidatura obèrt, de sièis artistas (dos de cada region) qu’auràn l’oportunitat de realizar un sejorn de dos meses dins la residéncia d’artistas de Montpalau, a Menòrca. Tres fasas son pensadas: un sejorn de creacion e escambis a Menòrca, una primièra mòstra a Barcelona e una segonda a Albi.
Cinèma Liure a la Bibliotèca. Cap de fila: Mago Production (Catalonha). Partenaris : Godo Films (Region Occitània) e APAIB (Islas Balearas). Montant de la subvencion: 21.000€. Lo projècte sosten la produccion audiovisuala locala e afortís l’utilizacion de las bibliotècas coma espaci social que visa a la cooperacion entre mantun sectors culturals de l’Euroregion.
Memòria e patrimòni de l’exili dins l’Euroregion. Cap de fila : Fundacion Pi Sunyer (Catalonha). Partenaris: Universitat de les Illes Balears (Islas Balearas), Laboratòri FRAMESPA-Universitat de Tolosa 1 Capitòli (Region Occitània), Archius Municipales d’Agde (Region Occitània), Museu Memorial de l’Exili (Catalonha), Centre d’Estudis sobre Dictadures i Democràcies (Catalonha), e Universitat de València. Montant de la subvencion: 13.000€.
Memòria e patrimòni de l’exili dins l’Euroregion es un projècte estructurat en doas fasas : primièr, un encontre dels especialistas de la Retirada, l’exili e los camps franceses dels territòris de l’Euroregion seràn expausats. S’apiejarà tanben sus la participacion d’autres especialistas de la rèsta d'Espanha e de França. D’un autre costat, lo projècte visa a la creacion d’un depaus de recèrca en banca de donadas sus l’exili e los camps de l’Euroregion.
Realitat museala e dialòg euroregional. Cap de fila: Universitat de les Illes Balears (Islas Balearas). Partenaris : Universitat de Perpinyà Via Domitia (Region Occitània), Ateneu Barcelonès (Catalonha), Universitat Rovira i Virgili (Catalonha). Montant de la subvencion: 22.000€.
L’objectiu del projècte es de sosténer los axes comuns principals de trabalh entre los principals musèus de l’Euroregion. Per exemple, la connexion partejada d’aisinas tecnicas e de difusion. Lo projècte pren per mira tanben de generar un document que permeta, a partir de las coneissenças academicas e dels quites dirigents, de realizar de proposicions d’amelioracion de la cooperacion dins aqueste domeni.
LandLimo1. Cap de fila: Associacion Fotolimo (Region Occitània). Partenaris: Casa Planas (Islas Balearas) e Ruido (Catalonha). Montant de la subvencion: 13.000€. LandLimo1 es un projècte de collaboracion entre tres entitats euroregionalas que se son associadas dins l’amira de despassar la nocion de « frontièra » pel biais de las arts visualas, de mòstras de fotografias, de talhièrs, e d’un pòl de recèrca artistica.
Ongan l’apèl a projècte cultura de l’Euroregion festeja sa desena edicion. Vertadièra reconeissença dins lo domeni de la cooperacion culturala europèa, aquesta accion a obtengut ongan lo prèmi especial de l’Associacion de las Regions Frontalièras Europèas per son sosten, a long tèrme, a la cooperacion transfrontalièra.
En dètz ans, gaireben cinquanta projèctes acompanhats permetèron de contribuir a obrar en favor dels territòris e dels abitants de l’EPM.
L’Euroregion Pirenèus-Mediterranèa
L’Euroregion Pirenèus-Mediterranèa es un projècte politic de cooperacion territoriala nascut en 2004 amb lo sosten de l’Union europèa. Los objectius principals de l’Euroregion pel periòde 2018-2020 son los seguents:
· Obrar amb e pels ciutadans del territòri.
· Desvolopar l’ecosistèma euroregional de l’innovacion.
· Contribuir al desvolopament durable del territòri.
AECT Euroregió Pirineus Mediterrània
El Centre del Món
Bulevard de Sant Aciscle, 35
CS 32032
66011 Perpinyà Cedex (Catalonha)
+ informacion
.