Lo lac d'Artosta, Bearn, Occitània
L'Euroregion Pirenèus Mediterranèa (EPM) fa un apèl per entameenar de projèctes èuro-regionals en lo sector de l'aiga. La crida a coma tòca de seleccionar tres consòrcis amb la capacitat d’obténer de fons europèus. Es per aquò qu'aquestes se comprometon a presentar un projècte en lo quadre dels programas europèus (Cosme, Orizont Euròpa, Sudoe, Med o Erasmus+).En lo domeni del sector de l'aiga, los projèctes se pòdon centrar en: la gestion de las ressorsas e l'adaigada, los procèsses d'assaniment e l'igièna sanitàrias, l'oceanografia, la gestion de l'aiga e del torisme e los efèctes del cambiament climatic.
Fomentar la creacion de rets d'actors èuro-regionals
L'Euroregion Pirenèus Mediterranèa a lançat aquela convocacion dotada d'una soma totala de 45.000 €, a distribuir entre los tres consòrcis o projèctes, que se destinaràn al ram de l'aiga. Lo sieu objectiu es d'esperonar la creacion de rets d'actors èuro-regionals per mejan de la seleccion de tres consòrcis -amb projèctes en lo sector de l'aiga- amb capacitat d'obténer de fons europèus.
L'apèl a pojèctes s'adreça a quina mena que siá d'estructura publica o privada, amb personalitat juridica, qu'aja la siá sedença dins del perimètre del territòri èuro-regional. Los projèctes devon promòure la creacion de grops de trabalh dins del territòri de l'Euroregion, amb un minimom de doas pichonas e mejanas entrepresas (pmi) e un actor de cadun dels tres territòris de l'EPM. L'objectiu final es de menar a tèrme d'estudis o projèctes de pilòts suls desafiaments comuns als tres territòris membres de l'EPM.
Lo tèrme de presentacion de candidaturas es lo 2 de març de 2020. Podètz consultar las basas d'apèl a projèctes e descargar tota la documentacion a la pagina web www.euroregio.eu
L'Euroregion Pirenèus Mediterranèa
L'Euroregion Pirenèus Mediterranèa es un projècte de cooperacion territoriala nascuda l'an 2004 amb lo sostenement de l'Union Europèa. En son a l'ora d'ara de membres la Region d'Occitània, la Generalitat de Catalonha e lo Govèrn de las Islas Balearas, qu'exercís la presidéncia rotatòria dempuèi febrièr de 2019.
L'Euroregion Pirenèus Mediterrani manten un programa pel triènni 2018-2020, que, entre autres, compren los objectius seguents: agir amb los ciutadans e per los ciutadans del territòri, desvolopar l'ecosistèma èuro-regional de l'innovacion, contribuir al desvolopament sostenible del territòri e aprigondir en l'identitat èuro-regionala.
.