Segon lo preambul la darrièra enquèsta publicada pel servici d'Estatistica, Estudis e Avaloracions del "Pôle Emploi Occitanie", realizat en territòri de l'estat francés, en una nacion tan vasta cossí es Occitània, la mobilitat geografica ven un dels compausants essenciales en lo moment de cercar trabalh. En particular, l'estudi explica part de las dificultats de contractacion que i a en determinats territòris occitans. La mobilitat es un critèri important per 22% de las personas que cercan trabalh, e de còps aquel factor constituissi un problèma.
L'an 2018, 31% dels sollicitants d’aucupacion de l'Occitània de l'estat francés esperavan trobar trabalh en una distància de mens de 30 minutas d'ostal. A l'ora d'ara, 56% realiza un viatge amb una durada d'entre 30 minutas e una ora al pus mai per arribar al trabalh. Mas 13% dels occitans que demòran en l'estat francés se declaran dispausats a trabalhar de mai d’una ora de cò sieu. De mai, los trabalhadors executius o los mai qualificats se declaran mai dispausats a la mobilitat que la mejana. Lo salari mai anautit que reclaman aqueles grops constituissi una bona motivacion per una màger mobilitat geografica, assegura l'estudi de "Pôle emploi", qu'apond que, per contra, los sollicitants d'aucupacion amb pauca o cap de qualificacion e los beneficiaris del plan minim social òptan mens per s'aluenhar de cò sieu.
.