A paucas oras de la previst investidura de Pedro Sánchez coma president espanhòl, lo Conselh electoral espanhòla, a ensajat inabilitar lo president de Catalonha, Quim Torra, e inabilitar tanben lo cap d’Esquèrra Republicana de Catalonha, Oriol Junqueras, coma èuro-deputat, malgrat que la senténcia del Tribunal de Justícia de l'Union Europèa exigís la siá desliurança.
Doas decisions polemicas qu'apondon incertitud a l'investidura de Pedro Sánchez, que questionan la democracia a Espanha e qu'aumentan la tension en lo procès d'independéncia de Catalonha. Aumenta tanben la pression sul partit independentista catalana ERC que negociava amb Pedro Sanchez. S'amassarà d’urgéncia la siá executiva per avalorar lo nòu scenari “e las consequéncias en lo caledari politic immediat”.
Un ‘còp d’estada’ contra las institucions catalanas
Lo president de la Generalitat de Catalonha (Govèrn de Catalonha), Quim Torra, a denonciat un ‘còp d’estada’ contra las institucions catalanas de la part de las institucions judicialas europèas. Pendent la comparucion institucionala, lo president catalan a anonciat qu'aviá parlat amb lo president del Parlament de Catalonha, Roger Torrent, perque se convoquès un plen extraordinari deman amb l'objectiu que la cambra catalana se pronóncie sus la decision del Conselh Electoral espanhòla.
Lo president de Catalonha a retrach que la justícia espanhòla tòrne ensajar alterar la volontat politica dels catalans ‘per vias irregularas absoludament anti-democraticas’, e o a comparat amb l’aplicacion del 155. Lo president Torra a respondut a la justícia espanhòla: ‘Soi deputat dins lo parlament e president de Catalonha’.
.