Del 31.10.2019 al 23.02.2020
Musèu d'Art Contemporanèu de Bordèu CAPC
Comissària: Alice Motard
La programacion del Musèu d'Art Contemporanèu de Bordèu CAPC del 2019 se barra amb una exposicion de Lubaina Himid, ganhanta del prestigiós Prèmi Turner lo 2017, que vira a l'entorn de la siá installacion Naming the Money (2004). Òbra fondamentala de l’artista britanic, que ten un centenat de siloetas de fusta que donan vida als servents africans representats demest los sieus mestres en la pintura europèa dels sègles XVII e XVIII.
Lubaina Himid, capdavantièra del movement dels Arts Negres a la Grand Bretanha dels ans 1980, a anat desvolopant una òbra polivalenta de creadora d'art, comissària, archivaira e mestressa en explorant la marginalizacion de la diàspora negra dins la societat contemporanèa.
En extraire los esclaus de las scènas ont èran solament de simbòls de riquesa e de l’estatut social dels sieus proprietaris, Lubaina Himid los torna non solament un còrs, mas tanben un nom e una capacitat d’accion collectiva. Trabalhadors coma artesans, herbolaris, fabricants de joguets e quitament educadors de cans, nos explican, amb antecedents de musica e tèxt, la siá identitat en cambiant, a partir dels sieus noms e mestièrs africans, fins als nòus noms e professions que los impausèron coma classa segon los canons europèus. Naming the Money agrandís lo concèpte de l'esclau al de tots los "immigrants", las identitats personalas dels quals son refusadas segon las pressions exercidas per las fòrças politicas e economicas mondialas.
Presentada al Musèu d’Art Contemporanèu de Bordèu, aquela exposicion se religa tanben a l'istòria del magasèm qu'acuèlh las exposicions del CAPC dempuèi los ans 1970. Bastit lo 1824, una dotzena d’ans après l’abolicion oficiala del comèrci d’esclaus, s’utilizava per embotigar las merças colonialas (cafè, sucre, chocolat, coton, ròm, vin, peis, espècias, etc.) en transit al nòrd d’Euròpa, causa que faguèt que la fortuna del comèrci maritim de Bordèus foguèsse la mai importanta del sègle.
Lubaina Himid expausa tanben nòu òbras amb de formas geometricas abstractas procedentas de viatges reals o intims qu'exaltan la memòria de la siá isla natala. Aquela sèria de quadres es intitulada Zanzibar.
Lubaina Himid nasquèt lo 1954 a Zanzibar, Tanzania. Dempuèi pichona, viu e trabalha a Preston, Reialme Unit, ont ensenha art contemporanèu a l'Universitat de Lancashire. Es representada per la galariá londinenca Hollybush Gardens.
La siá òbra es estada objècte de recentas exposicions monograficas al New Museum, New Yòrk (2019); al BALTIC Centrre d’Art Contemporanèu, Gateshead (2018); a la Galariá d’Art Walker, Liverpool, Badischer Kunstverein, Karlsruhe (2017). La siá ampla retrospectiva conjoncha a Spike Island, Bristol e la Modèrn Art Oxford lo 2017, aital coma la siá participacion a The Place is Here a Nottingham Contemporary, li an permés de ganhar lo Prèmi Turner aquel meteis an. Lo 2019, la siá òbra se mostrarà tanben al Musèu Frans Hals, a Haarlem e a la Tate Britain, a Londres.
Amb lo sostenement de: Fluxus Art Projects, qu'es un programa occitan e britannic d’art contemporanèu apiejat pel Ministèri de Cultura, l’Institut Francés e lo Conselh Britannic.
Aquel article es una collaboracion amb lo magazin cultural ArtNeutre?
Musèu d'Art Contemporanèu de Bordèu CAPC
Carriere Ferrère, 7
Bordèu, Occitània