Pel primièr còp dempuèi l’aplicacion de l’article 155 de la Constitucion Espanhòla en levant l’autonomia de Catalonha per la proclamacion de l’independéncia, un dels politics exiliats, Lluís Puig, es tornat pel primièr còp en territòri catalan per presentar lo Conselh de la Republica, al Casal catalan de Perpinhan, ier al ser.
L'ex-conselhièr catalan Lluís Puig anèt en persona e per estonament a la presentacion del Conselh per la Republica a Perpinhan. Èra previst que i connectès per vidèo-conferéncia.
Puig a assegurat que la siá aparicion es estada "fòrça meditada" e que fasiá temps que "detlos membres del govèrn a l'exili" parlavan sul "besonh de tornar a dralhar de tèrras catalanas".
Es lo primièr còp qu'un membre del govèrn Puigdemont a l'exili viatja a França, justament a Perpinhan, la capitala de la Catalonha Nòrd.
Amb emocion, Puig a afirmat que la visita es una "forma d'ensajar portar la gratitud del president Puigdemont e de la rèsta del govèrn a la Catalonha del Nòrd".
En relacion amb una possibla reaccion de la part de l'Estat francés a la siá preséncia a la Catalonha Nòrd, Lluís Puig a reivindicat que son "ciutadans europèus liures".