Lo 'brexit' dificulta la passassion de possession de la nòva Comission Europèa

Lo Govèrn britanic decidís de pas presentar de candidat e Brussèlas obrís una enquesta. L’objectiu de la presidenta elegida de la Comission Europèa, Ursula von der Leyen, contunha d'èsser de prene possession de la siá carga lo 1èr de decembre mas a 15 jorns de la data prevista lo camin contunha de se complicar.

Aquel dijòus lo candidat ongrés Oliver Várhely a pas capitat lo sieu examen oral davant l’Eurocambra, del temps que lo Govèrn britanic a anonciat que non presentarà pas cap de candidat abans de las eleccions generalas del 12. Aquela decision s’es saldada per la dubertura d’un procediment d’infraccion contra lo Reialme Unit.

.