Jeanine Áñez, la presidenta interimària del nòu govèrn de Bolivia farà un torn neoliberal en economia e farà de las relacions amb los Estats Units sa prioritat. Segon indican qualques mejans del país, es tanben possible que i aja de reculadas en domenis «coma lo dels drèits dels pòbles indigènas, qu'una granda partida del conservatorisme considèra qu'atemptan contra los sieus pròpris drèits (emai n'i aja pas cap de pròva), e de minoritats socialas, fòrça mai menaçadas pels extremismes religioses, coma per exemple la populacion LGBTI».
D'autre latz, la mandatària provisòria exprimiguèt lo sieu planh public contra lo Mexic perque permet a l'exiliat Morales d'«incitar» la populacion de Bolívia a sortir per carrièra per tal de protestar contra las siás declaracions als mejans de comunicacion. Lo president en renonciant, diguèt, «romp amb totes los protocòls de l’exili».
.
