Trump sosten los independentistas de Hong Kong e desafia la China

Lo president dels Estats Units, Donald Trump, a desafiat la China en signant de projèctes de lei en sosten a las protestacions de Hong Kong mentre plaideja per una solucion «amistosa» de las diferéncias entre l’ex- colonia britannica e Pequin. La decision a provocat la responsa de la China, qu'a menaçat amb «contra-mesuras» se Washington contunha d'interferir en los sieus afars intèrnes.

Lo president nòrd-american afirmèt que los projèctes s’an promogut «amb l’esperança que los caps e representants de la China e Hong Kong sián capables de resòlvre politicament las siás diferéncias per anar cap a un long periòde de patz e benèsser per tots». Lo vice-ministre chinés dels Afars exteriors, Li Yucheng, a convocat l’ambaissador nòrd-american a Pequin, Terry Branstad, per li notificar lo refús d’aquela mesura. En un comunicat difondut per l'Ostal Blanc, Trump, qu'en primièr aviá suggerit que s'opausariá als projèctes, indiquèt qu'i soscriguèt finalament per «respècte» envèrs lo president chinés, Xi Jinping, e lo pòble de Hong Kong.

.