Colómbia aguèt lo sieu seten jorn de protèstas que traversèron lo territòri amb las siás mobilizacions, talhs de rotas e protèstas amb olas e topins. La cauma generala convocada pels sindicats e estudiants en reclam d’un país mai just faguèt empebrinèt lo president, Iván Duque. «Vivèm de moments de fòrça exigéncia en la societat, mas que siá clar: qu'aicí se pensen pas los piròmans ganhar amb la violéncia çò que ganhèron pas en las urnas», diguèt en participant a un Congrès Nacional d'Elevaires que li ofriguèt son sostenement.
I aguèt de marchas a Cali, Medellín, Barranquilla, Cartagena, e d'autres centres urbans. Aquel còp se senhalèron d'incidents mendres. La plaça Bolívar foguèt un autre còp l’epicentre de la manifestacion a Bogotà. Los manifestants arribèron amb bandièras e camisòts de la seleccion de fotbòl. I aguèt de musica e danças. En cap de moment quitèron de cantar lo nom de Dilan Cruz, que moriguèt diluns a 18 ans coma consequéncia d’una accion policièra. La siá mòrt foguèt un dels motius de desacòrdi entre las fòrças que convoquèron a protestar per carrièras contra lo Govèrn de drèita.
I aguèt de marchas a Cali, Medellín, Barranquilla, Cartagena, e d'autres centres urbans. Aquel còp se senhalèron d'incidents mendres. La plaça Bolívar foguèt un autre còp l’epicentre de la manifestacion a Bogotà. Los manifestants arribèron amb bandièras e camisòts de la seleccion de fotbòl. I aguèt de musica e danças. En cap de moment quitèron de cantar lo nom de Dilan Cruz, que moriguèt diluns a 18 ans coma consequéncia d’una accion policièra. La siá mòrt foguèt un dels motius de desacòrdi entre las fòrças que convoquèron a protestar per carrièras contra lo Govèrn de drèita.
.