Bolsonaro dobrirà d'espleitacions minaires dins tèrras dels indigènas

Imatge de l'Amazònas en lo sieu passatge pel Brasil.

Lo govèrn del president brasilenc Jair Bolsonaro a conclús un projècte de lei sus l'espleitacion minaire a l'Amazonia que poiriá afectar tanben las resèrvas indigènas. La proposicion es estada refusada per las comunitats amerindianas e la Glèisa catolica.

Lo ministre de las Minas e l''Energia brasilenc, l'amiral Bento Albuquerque, anoncièt que lo projècte que reglamenta l'extraccion de minerals en territòris indigènas es alestit lèu e qu'es un projècte "permés per la Constitucion".

Fa una setmana e mièja, lo president Bolsonaro, del Partit Social Liberal (PSL), defendèt l'expansion d'activitats productivas a l'Amazonia en parlant davant l'Assemblada Generala de las Nacions Unidas a New York. En aquela escasença, en la siá linha d'ultra-drecha fascista, lo president brasilian critiquèt los païses europèus que sostenon los indigènas amb la supausada intencion d'exercir una influéncia "colonialista" que li dissimulan a el amb d'arguments environamentalistas.

Mentretant, un grop d'indigènas s'es concentrat davant l'Institut Federal de l'estat de Rondonia per protestar contra lo ministre Albuquerque, abans que faga una conferéncia sus l'espleitacion minerala a l'Amazonia. "La politica de diabolizacion dels pòbles indigènas menada pel Govèrn Federal a coma objectiu la destruccion dels pòbles indigènas a fin de permetre l'espleitacion minerala e afectarà un tèrç de las resèrvas del país", ditz una nòta divulgada pels representants dels pòbles originaris de Rondonia.

.