La candidata a obtengut 383 vòts (lo celh del PPE mai una part substanciala de socialistas e liberalas), solament nòu mai de la majoritat absoluta requerida, davant 327 vòts en contra e 22 abstencions. A trobat lo refús de part de l'esquèrra, amb los Verdes davant, e de sectors de la sociala-democracia, a banda dels grops de la drecha populista.
Totun, la politica alemanda a pas pogut recebre los vòts de l'èuro-deputats catalans, Carles Puigdemont e Toni Comín que foguèron votats per mai de dos milions d'europèus, mas que lo Parlament Europèu a censurat per òrdres d'Espanha.
Malgrat lo supòrt dels grands partits, l'eleccion de Von derLeyen èra pas garantida. E, en fach, l'estrech marge obtengut o confirma. Lo refús de la part del Conselh Europèu -los caps de govèrn- dels spitzenkandidaten, los aspirants de cada grop politic, foguèt una victòria del pes dels estats per dessús la dinamica ideologica. Uèi, lo principal orador en favor de la candidata es estat Manfred Weber, pòrtavotz del Grop Popular dins lo Parlament e aspirant dels demo-crestians a la Comission Europèa. Un senhal fòrça grafic de la realitat que los estats son los que, encara, prenon las grandas decisions a l'UE.
Malgrat lo supòrt dels grands partits, l'eleccion de Von derLeyen èra pas garantida. E, en fach, l'estrech marge obtengut o confirma. Lo refús de la part del Conselh Europèu -los caps de govèrn- dels spitzenkandidaten, los aspirants de cada grop politic, foguèt una victòria del pes dels estats per dessús la dinamica ideologica. Uèi, lo principal orador en favor de la candidata es estat Manfred Weber, pòrtavotz del Grop Popular dins lo Parlament e aspirant dels demo-crestians a la Comission Europèa. Un senhal fòrça grafic de la realitat que los estats son los que, encara, prenon las grandas decisions a l'UE.
.