Collègi Pierre Bayrou de Sant Antonin.
L'Associacion dels Parents del Collègi Pierre Bayrou de Sant Antonin an adreçat una protèsta als dirigents de l'escòla per l'estonanta e incomprensibla intencion d'eliminar l'ensenhament en occitan pel cors venent 2019-2020. An entamenat tanben una reculhida populara de signaturas per o evitar.
Dempuèi l’anóncia de l’anullacion an aumentat las lètras de sosten cap als parents e als defensors de l'occitan a l'escòla de part de divèrsas associacions e municipalitats: CRÈO Tolosa, la Societat dels Amics del vièlh Sant Antonin, lo Collectiu Gardarem l'Occitan, la Vila de Cailús, la FCPE Occitana de l'Acadèmia de Tolosa...
S'i demanda de manténer las 4 oras d’ensenhament de l’occitan, distribuidas en los 4 nivèls de 6ena, 5ena, 4ta e 3ena qu'existisson dempuèi mai de 20 ans. Cal remembrar que Sant Antonin es la vila de naissença del trobador Ramon Jordan e es un dels brèces istorics de la cultura occitana.
Lo Collègi, de mai, pòrta lo nom de Pierre Bayrou (1892-1979), botanista e grand defensor de la lenga occitana, que visquèt fòrça ans a Sant Antonin.
L’occitan es la lenga de la nacion occitana e lo sieu aprendissatge es un dever nacional que, de mai, promòu la pluralitat e facilita la flexibilitat mentala. La supression de l’ensenhament de l’occitana afectariá un centenat d’estudiants de Sant Antonin.
Per signar la peticion contra l'anullacion de l'ensenhament de l'occitan, es aquí.
.