La companhiá aeriana de bas còst Flyadeal, de l'Arabia Saudita, daissèt sens efièch un òrdre de crompa de 30 unitats de Boeing 737 Max, amb opcion per l'aquesiment d'unas autras 20 unitats.
La decision foguèt presa a causa dels dos accidents mortals en Indonesia e Etiopia per un problèma del programa informatic qu'emmenèt la suspension de vòls. L'entrepresa Boeing a informat que Flyadeal a decidit de renonciar a la crompa "pels requists del programa" e a optat pels modèls d'Airbus A320 Neo, fabricats en Occitània, tanben amb l'opcion d'acréisser la crompa fins a 20 autras naus. La valor de l'acòrd comercial es de 5.900 milions de dolars.
L'Airbus A320 es un avion comercial de reaccion desvolopat per Airbus, un consòrci de companhiás aeroespacialas europèas a l'ora d'ara mestrejat per la firmas Airbus Group. I a divèrses modèls derivats del A320, que compènon las versions cortas A318 e A319, la version alongada A321, e los avions de negòcis ACJ. La partida finala de quadre d'aqueles avions en Euròpa se mena a tèrme en Tolosa (Occitània) e Amborg (Alemanha).
.