Lo President d'Ongria e membre del ultra-drecha Viktor Orban, a tornat visitar lo govèrn de Washington, après 21 ans, quand Bill Clinton li dobriguèt las pòrtas pendent la siá primièra estapa coma primièr ministre. Alavetz, Orban se presentava amb un dirigent centrista qu'aspirava a integrar Ongria a l’OTAN, per aluenhar Ongria de l’orbita russa. Aquel meteis dirigent es uèi un dels cabecièrs de la xenofòbia que recor Euròpa, ont se l’acusa d'afeblir la democracia ongresa, censurar als mejans critics, mautractar los refugiats e alimentar l’anti-semitisme e la fòbia a l'Islam. Ni George Bush ni Barack Obama lo volguèron recebre, mas amb Donald Trumpen lo poder a tornat aver las pòrtas dubèrtas de Washington.
Mas, coma soslinhan los analistas, a Washington, quitament pas l'admiracion mutuala que los dos dirigents mantenon servís pas perque Orban s'alinhe amb los interèsses nòrd-americanes a la region. D'una banda, a ignorat las demandas del Departament d'Estat per frenar la percaça del país de l'Universitat Centrala Europèa, del financièr George Soros, que lo primièr ministre ongrés a convertit en la siá bèstia negra, en l'acusant de tota mena de teorias e conspiracions. Lo Govèrn de Budapèst bloquèja tanben las convèrsas perque Ucraïna se sarre a l'OTAN. E lo renauit acòrdi de cooperacion militar que los USA signèron en abril amb Ongria es demorat encalhat dins lo Parlament ongrés, ont lo Orban a la majoritat. “Los USA lor caldriá far tot çò que poscatz per refortilhar la democracia liberala a Euròpa davant la provocacion que los partits centristas afrontan davant las formacions de ultra-drecha amb una agenda racista e fascista”, a escrich The Washington Post en un editorial. "En luòc d'aiçò, Trump s'alinha amb los enemics de la democracia”.