La region Occitània Pirinèus Mediterrània organiza dempuèi d’annadas un festenal occitan a la fin de prima. L’11 de mai 2019, dins lo cadre d’aquel festenal, apelat Total Festum, amb la collaboracion del CREO Lengadòc qu’amassa los ensenhaires d’occitan de l’ensenhament public organiza una jornada per ensenhar la biodiversitat a Bosigas (Bouzigues) dins lo departament d'Erau.
Vaquí lo programa de la jornada ( PDF )
9 h 45 : Taur, istòria e actualitat.
- Visita d’un domèni aquacol amb Cristian Dorques, doctorant a l’UPV, titulari d’un master d’estudis occitans sus la lenga de la pesca.
- Visita del Musèu de l’Estanh de Taur
12 h 30 : Repais en comun . Lo CREO porgís vin e ustras. Cadun completarà amb sa saqueta.
Après- dinnar dubèrt a totes - Après-midi ouvert au public
14 h : Conferéncia musicala de Felip Carcassés: L’aubòi de Lengadòc-Bas e sa relacion amb la cultura dau ròdol.
15 h 30 : Intervention d’Hélène Morsly, cinéaste : « Filmer ici, filmer avec, filmer pour… ». « La camèra me permetèt de dintrar de plan-pè dins una societat, de far societat e de dire per l’imatge e qualques mots, lo ligam que m’estaca al païs e a las gents. »
18h : intervention des élus (mairie de Bouzigues, Région)
18h30 : concèrt del grop Uèi : Rodin Kaufmann e Denis Sampieri, membres del famós Còr de la Planason a l’origina d’aquela formacion de quatre cantaires percussionistas de tria que cantan lor vision poetica e rufa d’un mond en crisi.
L’estanh de Taur es non solament un luòc de cultura anciana e de beutat, mas es vengut un exemple per lo tractament de la biodiversitat. Es per aquò que lo CREO causiguèt de far a Bosigas sa jornada d’estudi e d’escambi, dins l’encastre de Total Festum, sul tèma de l’ensenhament de la biodiversitat en classa d’occitan.
Totes los nivèls d’ensenhament son concernits, primièr e segond gras, en opcion o en cursus bilingue. De projèctes son ja estats montats per de collègas sus lo ròdol de l’estanh, d’autres mancaràn pas d’espelir de la jornada del 11 de mai 2019.
Mercejam fòrça Christian Dorques qu’amb sa conoissença del mond e dels luòcs foguèt l’artesan d’aquela jornada, e mai la municipalitat de Bosigas per son acuèlh coral.
Vaquí mai d’entresenhas per s’inscrire a la jornada de biodiversitat: http://www.felco-creo.org/