Lo motor de cèrca Qwant dobrirà un centre de tractament de donadas tecnologic a Occitània, en un luòc encara per determinar. Aquela futura plataforma de super-ordenadors, que pòdon arribar a realizar de milions d’operacions per segond, se consacrarà a l’emmagazinatge e la gestion d’una granda quantitat d'informacion de la region occitana.
Qwant a ja installat part de las siás activitats a Occitània. Creat lo 2013, aquel 'Google europèu', que defend una politica de neutralitat e per çò qu'es de la privadança, a previst bastir en un an un centre tecnologic de tractament de donadas a Occitània. En fach, l'entrepresa es un dels 17 membres fondators de l’associacion 'Occitanie Data', un grop d'importantas entrepresas especializadas en aquel camp tecnologic, coma Airbus, Cnes o Météo France.
Lo primièr passatge del projècte Qwant a Occitània es dobrir un espaci d’emmagazinatge digital que pòsca aculhir una quantitat de mai en mai granda de donadas d’ordenador. Aquel servidor gigant amassarà e organizarà l'informacion produsida a Occitània de tota sòrta: salut, transpòrt public, meteorologia, administracions... Donadas importantas per desvolopar l'intelligéncia artificiala. Una tecnologia qu'implica desvolopar un poder informatic extraordinari.
"Aquel esturment permetrà a las institucions analisar las situacions amb mai precision e prene de decisions realas. Es tanben una manièra de protegir los ciutadans. Auràn accès a aquela informacion sens aver de passar pels gigants digitales nòrd-americanes qu'espetan las siás donadas personalas", ditz Eric Léandri, lo fondator de Qwant.
Qwant, un cercaire que cerca pas en occitan.
Qwant es un motor de cèrca multi-lengas. E malgrat qu'es possible far de cèrcas en francés, catalan, breton o basc, es pas encara possible las far en occitan, fach que se contrari al fach que l'entrepresa vòlga detectar las donadas dels occitans d'una manièra reala. Esperam qu'en los prèps ans aquela anomalia demòre resolguda e siá possibla efectuar cercan en occitan.
+ informacion
.