Coelho pausèt en question la marcha en sosten del govèrn que se farà lo 26 de mai del 2019, que ten l'apuèi del president Bolsonaro meteis. Las "marchas en favor ja foguèron un instrument utilizat per Stalin, Franco, Hitler, Mussolini, Idi Amin e autres", soslinhèt Coelho en lo sieu compte de Twitter.
"Esperi que qualque votz intelligenta del govèrn convenca Bolsonaro de desaprovar la marcha de dimenge" que s'atacarà al Poder Judicial, a comentat. "Lo mieu país passa per un moment fòrça complicat. Los jorns venents utilizarai Twitter per denonciar qualques anomalias qu'i an luòc", a explicat Coelho, que viu dempuèi d'ans en Soïssa.
"Ieu pòdi pas cambiar res, mas almens non demorarai pas en silenci", a conclús l'autor del "L'Alquimista" e autres 'Bestsellers'. Paulo Coelho es l'escrivan brasilian amb lo mai de libres venduts al mond.