250 entrepresas de la region occitana assistiràn a l'edicion venenta del "Salon de LeBourget, París", que se celebrarà del 17 al 23 de junh del 2019. Un eveniment inevitable per l'industria aeroespaciala, quitament se lo còst d’intrada es important.
Per las entrepresas emergentas (" start-ups") e las PME (Pichonas e Mejanas Entrepresas), aprofechar lo pabalhon occitan significa que pòdon accedir a un espaci d'exposicion amb un còst redusit. "Sens passar per la region, lo còst seriá per nosautres d'entre 8 e 10.000 èuros. D'aquesta manièra, nos còsta mens de la mitat. Auriam pas jamai facit aqueste investiment sens l'acompanhament d'Occitània", insistís Didier Mesnier, gerent de l'entrepresa Mecano ID.
"Al Salon Aerian de París, s'i vas un còp, ès obligat d'assistir a totas las edicions, en cas contrari, l'industria pensa que la nòstra entrepresa a un problèma", testifica François Cénac, president de Bayab. Aquela "startup" a aprofechat l’anteriora edicion del 2017 per lançar una maquina portabla per reparar lo material dels avions. Coma Bayab, prèp de 250 entrepresas d'Occitània participaràn al 53au Salon de l'Aire de París. D'aquelas, 81 entrepresas seràn plaçadas al Pabalhon d'Occitània. "Serem la primièra delegacion de l'estat francés", assegura la presidenta de la region Occitània Carole Delga: "Occitània representa un tèrç de la fòrça de trabalh de l'aeronautica francesa".
L’Exposicion Internacionala d’Aeronautica e Espaci es organizada per SIAE, filiala del Grope de las Industrias Aeronauticas e Espacialas (GIFAS) .
La 53ª edicion de la fièra se debanarà dins l'encinta fierala de Le Bourget a París, entre lo 17 e lo 32 de junh del 2019 e amassarà de nòu totes los actors de l'industria mondiala s l'entorn de las darrièras innovacions tecnologicas. Los 4 primièrs jorns de la fièra seràn reservats als professionals, seguits de 3 jorns pel grand public.