L'atac, que poguèt pas verificar de manièra independenta sus lo terren, se produsiguèt paucas oras après l'anóncia de la part de fòrças militaras russas en Siria de l'alta al fuòc unilateral, en vigor dempuèi la mièjanuèit de dimenge dins la zòna dels combats.
La Russia e lo govèrn de Siria afirman que combaton contra de "terroristas", en referéncia a de milicians contraris al govèrn de Bashar Al-Assad, entre eles de ghadistes, qu'òbran dins la region de Idlib, jos dirècta influéncia turca.
Fa temps qu'Ankara e Moscòu trabalhan per trobar un acòrdi per una "solucion politica" a Idlib, dempuèi setembre passat airal d'una trèva negociada justament per Russia e Turquia. Entant, lo jornal saudita pan-arabi Al Hayat, a informat uèi qu'Ankara renfortís la siá preséncia militar a la frontièra amb Siria, justament a la region de Idlib, ont Turquia a de temps una influéncia dirècta e ont ja i a installats de militars turcs.
De son costat, Russia anoncièt aquestas darrièras oras la suspension de las activitats militaras contra de gropes de Siria contraris al govèrn dins aquela zòna. Los ministres de la Defensa de Turquia e de Russia, Hulusi Akare Serghei Xoigu, tenguèron uèi matin una conversacion telefonica per discutir la situacion. Fonts del ministèri de la Defensa turca, diguèron que totes dos discutiguèron de mesuras a adoptar per frenar l'escalada militar dins l'airal, après mai de tres setmanas d'atacs aerians de las fòrças de Damàs amb lo sosten de Moscòu. La trèva negociada a Idlib en setembre d'arunan pels presidents de Turquia e Russia, Tayyip Erdogan e Vladimir Puntin, foguèt pas jamai plenament aplicada.