Andòrra impòrta de merças provenentas d'Occitània per una valor de 180 milions

Andòrra impòrta de merças provenentas d'Occitània e de Catalonha del Nòrd per una valor de près de 180 milions d'èuros l'an, chifra que met sus la taula las pèrdas que pòdon patir los entrepreneires occitans pel barrament de la RN22. Aquel dimècres, lo gerent de l'associacion de transportaires de merças d'Andòrra, Víctor Filloy, n'a parlat e assegura que "al delà de la dificultat per importar de merças, afecta fòrça fabricants e provesidors occitans e nòrd-catalans" perque "an un poder de venta de 180 milions l'an".

Malgrat que las importacions provenentas de França an casegut en los darrièrs ans, en partida en rason dels imprevistes causats per l'estat dels accèsses a Andòrra, a l'ora d'ara 80% de las importacions de l'estat francés provenon de la zòna mai immediata, ço es d'Occitània.


Totun, lo gerent de l'Associacion de Transportaires de Merças e Carburants d'Andòrra, Víctor Filloy, crei que la solucion passariá pel cambiament de categoria de 'regionala' qu'ara meteis a la RN22 e que se poiriá resòlvre amb la modificacion de la rota e en n'aumentant la seguretat amb d'investimens als quals ja se son engatjats tots dos estats.