Lo fondator de Wikileaks, l'activista social Julian Assange, es estat detengut a l'ambaissada de l'Equator a Londres, segon a confirmat la polícia britanica. En un comunicat, la polícia metropolitana de Scotland Yard informa que la detencion s'es facha ras d'una òrdre emesa per un jutjat de Westminster. Lo govèrn de l'Equator a retirat l'immunitat a Assange e a permés l'intrada de la polícia al dedins de l'ambaissada.
Lo govèrn de l'Equator a retirat l'immunitat de asil a Assange e a permés l'intrada de la polícia a l'ambaissada ont es estat detengut. En un primièr moment, la polícia a transportat Assange a las dependéncias a la centrala de Scotland Yard a Londres. E cap a las doas del miègjorn l'an condusida als jutjats.
Per Wikileaks la retirada de la proteccion politica a Assange es "una violacion illegala del drech internacional". Wikileaks a reaccionat a la detencion en denonciant que lo govèrn eqüatorian a permés l'intrada de la polícia a l'ambaissada del país a Londres. Lo secretari d'Exteriors britanic, Jeremy Hunt, a donat las gràcias en un tuit al president de l'Equator, Lenín Moreno, per la siá cooperacion e assegura que Assange "es pas un eròi e que degun es per sus la lei".
La detencion es estada possibla après que lo govèrn de l'Equator a retirat l'immunitat a Assange. Lo president eqüatorian, LenínMoreno, o a justificat en allegant que la conducha de Assange es estat "irrespectuosa e agressiva".
La detencion es estada possibla après que lo govèrn de l'Equator a retirat l'immunitat a Assange. Lo president eqüatorian, LenínMoreno, o a justificat en allegant que la conducha de Assange es estat "irrespectuosa e agressiva".
Mas fòrça expèrts suspèctan qu'a la darrièra de tot poiriá èsser la diplomacia espanhòla. La defensa de Assange del procès independentista catalan auriá provocat las pressions del govèrn espanhòl a l'Equator per eliminar lo asil a l'activista.
L'expresident de l'Equator Rafael Correa a qualificat Moreno coma lo "traïdor mai grand de l'istòria eqüatoriana e llatino-americana". Assegura que lo dirigent es un "corromput" e que çò qu'a fach "es un crim que l'umanitat desbrembarà jamai"