Ochena manifestacion massiva per demandar l'independéncia de Catalonha
Obtenir le lien
Facebook
X
Pinterest
E-mail
Autres applications
La manifestacion independentista de la 'Diada' (Jornada) de Catalonha, lo 11 de setembre, per ochen an consecutiu, a tornat èsser multitudinària. Mai d'un milion de personas an emplit lo centre de Barcelona e an clamat per l'unitat estrategica, per l'independéncia e per la libertat dels presonièrs politics. Manifestants de tot lo país se son concentrats en lo primièr eveniment contra la senténcia que vendrà de la Cort suprèma espanhòla.
La manifestacion a tornat daissar unas fotografias espectacularas del movement independentista, que fins fa paucs ans aviá pas lo sosten social qu'a aquerit darrièrament. Qualques discorsos son estats faits pendent la Diada, coma lo del musician Lluís Llach, qu'èra una una crida a estonar l’estat espanhòl en bastint la futura Republica Catalana.
