A la comission li caldrà metre en examen las supausadas activitats irregularas o delicitivas ligadas a l'ostal reial, "quitament aquelasdestinadas a forçar lo transferiment de l'abitança sociala de bancs, de las grandas entrepresas e multinacionalas defòra de Catalonha après lo referendum d'independéncia de Catalonha tengut lo 1èr-O".
A tanben l'objectiu d'abordar los "presumits comptes irregulars" del paire de l'actual rei Felip VI, l'ex-monarca Joan Carles Ier, "en Soïssa e en autres paradises fiscals en nom de terças personas", en començant per las gravaduras de l'amiga del rei Corinna de Sayn-Wittgenstein.
Los partits nacionalistas espanhòls, per contra, considèran que lo Parlament de Catalonha a pas de competéncias per menar las investigacions. 'Ciutadans' e PP, de mai, an donat lor aval al violent discors del rei espanhòl del 3 d'octòbre contra los independentistas catalans. Aqueles partits espèran que l'actual president espanhòl, lo nacionalista e socialista Pedro Sánchez, presente un recors d'inconstitucionalitat.