Quaranta-unes senadors nòrd-catalans occitans e franceses an signat un manifèst, que se solidarizan amb Catalonha e denóncian la repression espanhòla contra las siás cargas elegidas. François Calvet, membre dels Republicans e impulsor del tèxt, a soslinhat que dins los darrièrs jorns an recebut ‘de pressions diplomaticas fòrça fòrtas’ perque ‘retiram la nòstra signatura’. Calvet a assegurat qu'el o pensa pas far perque ‘aquelas son las miás idèas e son pas contra degun. Son pels dreches umans’.
Lo senador a explicat qu'impulsèt lo manifèst per denonciar l'injustícia de la preson preventiva que patisson los preses politics, mas pas per anar ‘en contra d’Espanha’. De mai, remembra que demandan pas que l’estada francesa tracte de questions intèrnas de l’estada espanhòla, mas que collabòre perque ‘i aja un dialòg entre lo govèrn e Catalonha’.
Calvet a remembrat tanben la visita de la Presidenta del Parlament de Catalonha, Carme Forcadell, dins lo senat francés e a dich que compren pas coma pòt èsser dins la preson a l'ora d'ara. ‘Es fòrça bona persona e a pas cap de idèa revolucionària’, a declarat. De mai, a assegurat que coneis la rèsta de preses politics e que li semblan ‘de personas fòrça rasonables’.