Un grope de 16 estats nòrd-americans capitanejats per Califòrnia an denonciat lo president Donald Trump e la siá declaracion d'urgéncia nacionala per obténer de fons per tal de renfortir lo mur de la frontièra amb lo Mexic. Trump optèt divendres per aquela mesura davant lo refús del Congrès, de majoritat democrata, de li concedir los 5.200 milions de dolars que vòl destinar al blindatge contra l'immigracion de l'America Centrala.
"Portam uèi lo president Trump davant los tribunals per blocar aquel marrit usatge del poder presidencial", a dit lo fiscal general de Califòrnia, Xavier Becerra. "Afrontam legalament lo president Trump per evitar que pane los fons dels contribuentsque legalament lo Congrès aviá reservat per las gents dels nòstres estats. En la nòstra opinion lo burèu de la presidéncia es pas un luòc per far teatre", a apondut lo fiscal democrata.
Tres proprietaris e un grop ecologista de Tèxas avián presentat tanben de demandas contra la declaracion d'urgéncia en argumentant que viòla la Constitucion e los lors dreches de proprietat. Aquelas bregas pòdones per longar lo començament del procès (estirar en el temps) / endarrierar lo procès e arribar fins a la Cort Suprèma, que la republicana n'es assegurada d’una majoritat conservatritz.
Lo Procuraire argumenta que lo meteis Trump aviá declarat publicament qu'aviá pas besonh de declarar l'urgéncia per bastir lo mur.