A Madrid, près de la CortSuprèma s'es fach aquel miègjorn un acte desosten a l'ex-presidenta del Parlament de Catalonha, Carme Forcadell. Lo president de la cambra catalana, Roger Torrent, e los ex-presidents Joan Rigol, Ernest Benach e Núria de Gispert an legit una declaracion institucionala en la quala se reclama la libertat de Forcadell. L'acte s'es fach al Teatro Luchana, davant l'imminenta comparucion de l’ex-presidenta del Parlament pendent lo jutjament del procès al Tribunal Suprèm.
La declaracion demanda que se retiren las cargas contra Carme Forcadell, perque assegura que "i a pas agut cap de sos levament violent, ni cap de rebellion ni sedició."
"Aital coma la rèsta d'acusadas e acusats en la causa especiala contra representants politics e socials que se fa a la Cort Suprèma, la presidenta Forcadell risca de cargas penalas per delictes que non a pas comeses. Coma o indica l'article 472 del Còdi Penal espanhòl, lo delicte de rebellion es solament aplicable en cas de violéncia, una circonstància que s’es pas jamai produsida."
Lo tèxt institucional defend l'accion qu'aguèt Forcadell, alavètz que Torrent, Benach, De Gispert e Rigol soslinhan qu'eles aurián fachçò meteis.
"Podèm pas acceptar una injustícia coma aquela quand ela agiguèt en tot moment segonçò qu'establís lo reglament de la Cambra. O avèm dich repetidament, e insistirem cada còp que siá necessari: nosautres, s’èrem ela, auriam agit coma ela."
Segon la declaracion, "acusar judicialment l'accion del Bureue la presidéncia d'un Parlament, quand an complit las siás foncions institucionalas, es una manca de responsabilitat e atempta grèvament contra los principis de la democracia". "Los deputats son inviolables per las opinions e manifestacions exprimidas en l'exercici de la lor carga. E sautar aquel principi tòca grèvament los gatges mai basics de las democracias parlamentàrias."
E apond: "Per tot aiçò, demandam que se retiren las cargas contra la presidenta Forcadell e la rèsta dels acusats. Reïteram que lo drech penal es pas l'instrument idonèu per resòlvre los desacòrds politics e institucionals. E insistissèm que lo conflicte entre Catalonha e l'Estat requerís una solucion democratica que siá aprovada per los ciutadans.