Mai d’un centenat de personas participèron en una manifestacion ièr a Tolosa jos la pluèja contra la proïbicion de las classas d’occitana en l’ensenhament public, segon informa 'Lo Jornalet'. Los manifestants, amassats davant lo rectorat, lamentavan una situacion fòrça grèva que daissa sens la matèria d'occitan gairereben 15.000 escolans que segon de corses en aquela lenga. L’occitanisme crida ara a una granda mobilizacion unitària.
Lo president del Centre Regional de Professors d’Occitana de Tolosa (CRÈOTolosa), Nicolau Rei-Bèthvéder, foguèt recebut ièr per la secretària de la rectritz e es pas demorat convencut de las explicacionsdonadas perl'Universitat.L’academia de Tolosa a suprimit a la dotacion especifica que finança l’occitanals collègis e als licèus e doncas se mantendràn las mobilizacions.
Vos reprodusissèm lo messatge que Nicolau Rei-Bèthvéder a publicat al perfil oficial del CRÈO a Facebook:
"L’ora es gravissima. De pertot de bruchs de dotacions especificas que nos venOn del rectorat. En 2019, aquestes mejans nos son retirats. Aquò significa la mòrt de l’occitan en licèu en setembre de 2019. Avèm pas de causida : Es la guèrra.
Ara, es la mobilizacion generala : elegits, parents d’escolans, associacions occitanas, collègas, escolans, mèdias, tots son d’avertir, tots an de se manifestar tanben. Passarem a l'accion : avèm pas cap de de causida. Coma president del CREO TLS, soi prèst a me batre fins al bot, que l’occitan es la miá vida. Podètz comptar sus ieu. Nos daissarem pas tòrçer, macarèl!
Totun, segon la rectritz, “i a de caps d’establiment qu'ensajan de recuperar de ressorsas en suprimint l’occitan, e o an fach per iniciativa pròpria”, a dich Rei-Bèthvéder en declaracions a Ràdio País fachas après la reünion. Pasmens, la rectritz a avertit qu'"aiçò se pòt pas permetre" e que "lo CRÈO a de superar aquel problèma”. Sus aquelas declaracions, Rei-Bèthvéder a apondut que “aiçò es plan", mas que son solament de paraulas e que "çò que cal es que faga un escrit, perque losCAPS d’establiment pòdon totjorn dire qu'aiçò es fals”.
Levat d’aiçò, la rectritz auriá recebut de telefonadas d’elegits que protestavan contra aquela situacion. Los còps de telefòn "an servit, e cal contunhar de manténer la pression”, a manifestat Rei-Bèthvéder. Ara, lo CRÈO prepara una manifestacion unitària a l’escala de total’Occitània. N’anonciaràn lèu lo luòc e la data.