Jornada de cauma generala a Catalonha tota coma protèsta contra la repression de l'estat espanhòl contra los representants politics e socials que l'an 2017 proclamèron l'independéncia de Catalonha de manièra pacifica e democratica dins lo Parlament de Catalonha.
A primièra ora del matin, grops d'activistas catalans an cremat pneumatics e an bloquejat de divèrsas rotas a Catalonha cossí es abituala dins la majoritat de caumas.
Las protèstas afectèron almens a onze rotas a Catalonha, segon a informat la meteissa polícia catalana, en apondent que trabalhavan per manténer lo flux de transit. La polícia, en qualques escasenças a mantengut d'afrontaments amb los manifestants, mas se son pas coneguts d'incidents importants. Los independentistas an denonciat qu'aqueles atacs de la polícia son pas estats realizats amb proporcion e veson de motivacions politicas en l'excès de repression. Fa unes jorns, los trabalhadors del servici del taxi talhèron de carrièras importantas de Barcelona pendent setmanas e foguèron jamai reprimits.
Membres de grops locales, que trabalhan jol nom de Comitats per la Defensa de la Republica (CDR), an organizat de protèstas similaras dins tot lo país dempuèi que se produsiguèron los empresonaments preventius abusius contra los politics catalans e los jutjaments excessius a que son someses en çò que se coneis ja popularament dins lo país coma 'Jutjament de la Vergonha'.