Un Parlament Europèu fòrça void e plen de plancardas que demandan la libertat dels preses politics catalans a recebut fredament al president d'Espanha, Pedro Sánchez, just lo jorn en que se tornavan produsir de detencions de jornalistas, politics e activistas socials independentistas a Catalonha.
Una quinzena d'èuro-deputats an protestat pendent l'intervencion del president del govèrn espanhòl, Pedro Sánchez, dins lo Parlament Europèu amb afichas que demandan la desliurança dels "preses politics catalans e exiliats". Las plancardas al mitan un emicicle gaireben vuèg mostravan las fotografias dels nòus caps independentistas empresonats sens jutjament e los sèt politics a l'estrangièr al cors del discors de Sánchez a l'Èuro-cambra. Totes eles èran integrants de la Plataforma Dialòg UE-Catalonha que demandèron una reünion amb lo president espanhòl ras de la siá visita, mas Sánchez declinèt la proposicion per motius d'agenda. Lo plen del Eurocambra èra mièg void pendent lo discors del president espanhòl, qu'a agut la preséncia del vice-president de la Comission Europèa, Frans Timmermans, mas pas de lo sieu president, Jean-Claude Juncker. Lo luxemborgés justifiquèt la siá abséncia pel Brexit.
Entre l'èuro-deputats qu'an ensenhat d'afichas i aviá l'èuro-deputats catalans Jordi Solé, Josep-Maria Terricabras e Ramon Tremosa; l'èuro-deputada del PNB IzaskunBilbao; lo pòrtavotz de la plataforma e exministre d'exteriors eslovè, Ivo Vajgl; los politics del Sinn Féin Martina Anderson e Matt Carthy; de la N-VA, Marc Demesmaeker, e del grop de l'Esquèrra Unitària Europèa l'italiana Barbara Spinelli e la francesa Marie-Pierre Vieu.
