Lo govèrn del fascista turc Erdogan a assegurat uèi qu'es en trin de preparar de longa sa futura operacion militara contra la milícia curda de las Unitats de Proteccion Populara (YPG) en Siria, al mitan de las tensions diplomaticas amb los Estats Units sus aquel ponch.
‘Avèm Manbij e la riba orientala de l’Eufrates per davant. Son estats faches los plans necessaris per aquò far. La nòstra preparacion contunha amb intensitat' , a dich lo ministre de defensa turc, Hulusi Akar.
Aital, a remarcat que Turquia s'es decidit a levar lo terrorisme, ont que siá, abans d’apondre que lo sol objectiu de las operacions seràn las YPG, la milícia curda del Partit dels Trabalhadors del Kurdistan (PKK), e Estat Islamic.
L’armada turca a enviat pendent la jornada de renfortiments dins la província de Hatay (sud), situat dins la frontièra amb la província de Siria Idlib, contrarotlada pels rebèls. Segons Anatolia, lo convòi militar es arribat a la region de Yayladagi, luòc ont a transportat d'unitats cap a la frontièra.
Los preparatius per l’ofensiva turca – qu'auriá lo supòrt de grops rebèls de Siria aliats d’Ankara – s’an accelerat just aprèp que los Estats Units anoncièt que retirarà sos militars desplegats dins lo país arab.
Aquela setmana, l’assessor de Seguretat Nacionala de l'Ostal Blanc, John Bolton, a reclamat a Turquia qu'ataque pas las YPG– principalas integrantas de las Fòrças Democraticas sirianas (FDS), qu'an lo supòrt de Washington – aprèp la retirada de las tropas nòrd-americanas.
Criticas de Turquia als USA
En responsa, lo president turc, Recep Tayyip Erdogan, critiquèt a Bolton en diré qu'èra 'impossible acceptar son discors’. ‘Las afirmacions que Turquia ataca los curdes en Siria son pas aunoradas e son lajas, vulgaras e falsas', a apondut. ‘Per Turquia, i a pas diferéncia entre lo PKK, las YPG, lo PYD (lo braç politic de las YPG) e Estat Islamic’, a remarcat lo mandatari.
Lo govèrn de Turquia critiquèt ja lo 4 de genièr al secretari d’Estat dels Estats Units, Mike Pompeo, per dire que Washington s’assegurariá qu'Ankara assassinèsse pas los curdes de Siria un còp se retiren del país las tropas nòrd-americanas.
Lo president dels Estats Units, Donald Trump, a pas donat un calendari per la retirada del país arab, qu'anoncièt en decembre en contra de las recomandacions de la siá copòla de seguretat e sens consultar dins lo congrès o als aliats de la coalicion internacionala que dirigís los Estats Units.