Lo govèrn del president espanhol Pedro Sanchez vòl pas pactar res amb los independentistas catalans e a redobrit la practica de detencions illegalas de politics e d'activistas independentistas catalans. La polícia espanhòla a detengut lo cònsol de Vèrges, Ignasi Sabater, e lo de Celrà, Dani Cornellà, totes dos de la CUP, en mai de 9 membres del CDR, Comitat de Defensa de la Republica, en una operacion de la Polícia Nacionala que met en examen l'aucupacion de las vias de l'AVE pendent l'anniversari del 1 d'octòbre passat a Girona.
Uèi per la serada totes los detenguts èran sortits en libertat. Segon los avocats, Benet Salellas e Montserrat Vinyet, totes se son aculhits al drech a pas declarar.
Sabaté portava una man ferida en sortir del comissariat. Lo meteis Sabater a confirmat qu'es estat una lesion que li a fach la polícia.
Un dels detenguts qu'es sortit en libertat a declarat a la pòrta del comissariat que pendent l'aucupacion de las vias de l'AVE a l'anniversari del 1-O el i èra pas.
Segon a confirmat la Polícia Nacionala, tot plegat s'enquadra en una operacion per presomptius delictes de parrabastatges publics que s'es desvolopat a Girona capital e autras populacions de la demarcacion. L'operacion, segon aquel còrs, contunha dobèrta per deténer sièis personas mai que, per ara, los agents an pas trobat dins las siás abitanças.
Las detencions, sens òrdre judiciala
Segon a confirmat lo Tribunal Superior de Justícia, TSJC, las detencions son pas estadas ordenadas per cap de jutge, mas que se son faches a iniciativa de la brigada d'informacion de la Polícia. Salellas considèra que las detencions son unas "mesuras desproporcionadas e sens justificar" que s'aplican solament en cases de pas comparucions reïteradas a las citas d'un jutge o per sospèchas de risc de fugida. En aquel cas, l'avocat remembra que son de personas publicas que se son presentats d'autres còps que son estats citats a declarar.
En aquel sens, la consolessa de Girona, Marta Madrenas, s'es sarrat tanben al comissariat de la Polícia Nacionala per demandar d'explicacions sus las detencions.
Tanben de detencions de jornalistas catalans.
Lo foti-jornalista del mejan 'Lo Nacional', Carles Palacio, es estat tanben detengut aquela serada a Girona. La detencion s'es produsida a la sortida d'un bar de la plaça Independéncia de la capitala gironina de la part de sièis agents de la polícia espanhòla. A banda de Palacio, i auriá tanben doas personas mai detenudas, ligadas al collectiu La Forja.
Lo foti-jornalista sortiá del bar al centre de Girona, acompanhat del tanben jornalista Jordi Borràs, près de dos quatren de cinc de la serada. Es estat alavetz quand se son sentits unes crits e de divèrses agents secrètes de la polícia an procedit a la siá detencion sens s'identificar. Lo foti-jornalista es estat transportat a dependéncias policèras amb una veitura tanben sens identificar.
Aplaudiments a la sortida d'un dels cònsols catalans detenguts per la polícia espanhòla