Lo deputat e ex-candidat per la Presidéncia del govèrn catalan, Jordi Turull, es estat transportat dins l'espital de la preson, en la segonda setmana de cauma de fam. O a anonciat lo doctor Jaume Padrós, president del Collègi de Mètges de Barcelona, que susvelha l'evolucion dels preses en cauma de fam.
Jordi Turull e Jordi Sànchez comencèron lo 1 de decembre una cauma de fam indefinida per denonciar la siá injusta situacion e lo "blocatge del Tribunal Constitucional espanhòl" amb los recorses presentats pels preses politics. Lo jorn 3 de decembre s'i apondèron los tanben deputats independentistas catalans Joaquim Forn e Josep Rull.
Turull a dintrat dins l'espital a tres oras de la serada. I arriba ailà la majoritat d'oras e tanben la nuèch, mas lo conselhièr de Presidéncia del govèrn Puigdemont contunha de recebre de visitas. Segon Padrós, la s'es transportada dins la sala medica per la siá "situacion individuala". Jordi Turull pòrta 14 jorns en cauma de fam. Pel jorn de cauma qu'es, lo traslat a la infermeria es çò que recomanda lo protocòl.
Turull explicava aquel dimars a Tv3 que los preses en cauma de fam se considèran pas martiras, mas que vòlon "gigotar de consciéncias e qu'Euròpa desvelhe". Alavetz ja se sabèt que dins 12 jorns aviá perdut cinc quilòs e el meteis reconeissiá qu'èra mai flac, amb una sensacion de apatia que li fasiá malaisida se levar del lièch.