Lo vaissèl de l’ONG catalana Proactiva Open Arms a rescatat en nauta mar aquel divendres, 21 de decembre, mai de 300 personas a bòrd de tres barcas, 24 oras après d’arribar al Mediterrani central per contunhar amb lo sieu prètzfach umanitari amb personas refugiadas.
"A solament 24 oras d’arribar al Mediterrani, Open Arms ven de rescatar en nauta mar doas barcas en perilh. Mai de 200 personas, òmes, femnas embarassadas, enfants, mainatjons. Al Mediterrani i a pas Nadal", a afirmat lo fondator e director d’aquela organizacion, Óscar Camps.
Sièis oras après, informèt del rescat d'un tresen vaissèl amb 80 personas a bòrd: 29 femnas, cinc mainats e 56 òmes, qualques mendres. A la fin de novembre, l'organizacion anoncièt que tornava al corredor entre Libia e Itàlia, çò de mès de mortal del mond, per seguir amb los prètzfaches de rescat d'immigrants davant la "pas accion conscienta" de l'Union Europèa en aquela crisi de refugiats africanes e malgrat lo risc que de Malta o Itàlia los empedisca arribar a pòrts segurs.
"contunharem d'operar coma fins ara, en respectant lo drech internacional e navigaire en aigas internacionalas, cossí sèm venguts en fasent totjorn, e veirem qué passa quand rescatam", a dich Camps pendent una ròda de premsa.
Fin finala, l’Open Arms a atengut autorizacion de l’Estada espanhòla per parcar en un pòrt los mai de 300 immigrants qu'a rescatat en aigas de Libia, segon an explicat de fonts de Monclòa. L’organizacion a confirmat que parcarà al pòrt d’Algesires. Lo vaissèl contactèt inicialament amb Libia, Itàlia, França, Tunisia e Malta, los païses mai prèps. Los primièrs quatre respondèron pas a la siá peticion de per poder parcar lo vaissèl e davalar las gents, del temps que Malta la deneguèt dirèctament. Es per aquò que Open Arms recorreguèt a Espanha, qu'a donat permís perque se desplace cap a las siás aigas davant la negativa o la fauta de responsa. L’autra nau de l’ONG, l’Astral, es sortit aquel dissabte de Badalona per los portar manjar e de provisions pel viatge.