L'explosion del volcan Krakatoa e lo posterior tsunami, que se son debanats a Indonesia e qu'an causat almens 300 mòrts, poiriá pas èsser la fin de la malajadilha. Las autoritats alèrtan del risc que i pòsca aver de nòus tsunamis, après l'enòrma ondada qu'afectèt l'archipèl la matinada de dissabte a dimenge a causa de l’erupcion del volcan Anak Krakatoa, a l'estrech entre las isclas de Java e Sumatra. Lo balanç provisòri es de 281 mòrts e mai de 1.000 ferits.
Las autoritats avertisson als residents e als toristas de se manténer luènh de las plajas, car l’alèrta per tsunami se mantendrà activa fins aquel diluns. I a près de 12.000 desplaçats e las estrossejas afèctan de centenats d'abitatges, una setantena d'otèls e d’unes 500 vaissèls. I a encara fòrça personas desaparegudas, e sul terren, contunha la recèrca de subrevivents.
Una avalanca de tèrra submarina associada a la erupcion del volcan auriá provocat lo desplaçament de l'aiga, amb efièches posteriors a causa de la coïncidéncia amb la marea nauta. Segon los testimònis, arribèron doas ondadas. La mai destructiva foguèt la segonda, qu'arribèt a una nautor de fins a dos mètres.