Catalonha s'es arrestada en protèsta per la vesita del govèrn espanhòl en plena repression dels independentistas catalans, amb l'incomprensibla realitat de preses politics e un govèrn catalan legitim a l'exili. Lo pòble de Catalonha compren pas brica qu'Espanha respècte pas los dreches umans, ni lo resultat del referendum d'independéncia de l’1 d'octobre del 2017, ni la declaracion d'independéncia del Parlament de Catalonha. L'Union Europèa, devengut compliç de l'estat espanhòl, recebèt de longa fòrtas criticas de la part dels independentistas, que dins los darrièrs jorns se son solidarizats amb las protèstas dels justets jaunes.
Tre 7 oras 30 del divendres 21 de decembre del 2018 i a agut un total de 22 trams de per tot en Catalonha afectats per las mobilizacions independentistas de protèsta convocada aquel divendres contra la vesita del president espanhòl, Pedro Sánchez, pel Conselh de ministres faci en Catalonha. En concrèt, e segons informa lo Servici Catalan de Transit, dempuèi las 6 orals 43 l’autorota se trobèt talhada dins los dos senses la B-20 (Ronda de Naut) a l’autor de la sortida 11 (Diagonal), del temps que la B-10 (Ronda Litorala) foguèt talhada dins los dos senses a l’autor de Montjuïc.
Tanben foguèt talhada la B-23 a l’autor de Sant Joan Despí, dins lo sens de sortida envers Barcelona. Tre 6 oras foguèron interrompudas al transit l’autorota AP-7 prèp de Tarragona e la rota N-II a Figueres. Son estades tanben talhadas dins los dos senses de la marcha la C-65 a Llambilles, la C-25 a Campllong, la C-58 a Vacarisses, la C-31 a Badalona, a Ullà e a Vèrges e la N-II a Figueres. Los talhs son estats faches en cremant neumatics e, dins lo cas de la C-58 a Vacarisses, per un arbre qu'an copat per empechar la circulacion.
La C-32 a Esplugues dins lo sens sud del Llobregat, la C-37 a la Val d’en Bas, C-58 a Montcada i Reixac, a Vacarisses , la C-65 a Llambilles, la Gi634 a Vèrges, e la N-II a Fornells, a Medinya e a Bascara que patiguèron tanben d’afectacions. A l’encòp, a Barcelona es estada copada a la sortida 11 de la Ronda de Naut, çò que causèt de retengudas longassas dins d’aquela artèria barcelonesa.
Aquela serada i a previst una granda manifestacion al centre de Barcelona.