Lo ministre d'Exteriors de Turquia, Mevlut Cavusoglu, insistiguèt ier que son armada lançarà lèu una operacion contra las milícias curdosirianas al nòrd de Siria. O donarà en coordinacion amb la retirada de las tropas nòrd-americanas d'aquel país immergit dins un conflicte longàs.
"Amb la retirada dels Estats Units, l’objectiu de las milícias curdas de l’YPG de crear un estat independent s’es acabat", afirmèt Cavusogluen dins una conferéncia de premsa a Ankara.
Lo ministre turc faguèt referéncia d’aqueste biais a las Unitats de Proteccion del Pòble (YPG), milícias laïcas coaligadas dels Estats Units en lucha contra los gihadistas en Siria, mas consideradas coma de terroristas per Ankara per lors ligams amb lo PKK, la guerrilha curda activa en Turquia.
Los succeses territorials al nòrd de Siria de las YPG levèron las malfisanças d’Ankara. D’efièch, la possibilitat d’aténher un estatus d’autonomia e qu'aquò aguèsse un impacte fòrt en cò dels curdoturcs, una populacion de gaire 15 milions, fa paur al regime d’Erdogan.
Es per aquò que la Turquia del president fascista d’Erdogan a enviat de renfortiments militars dins la frontièra amb Siria e dins las zònas del nòrd-oèst d'aquel país, contrarotlat per milícias arabas proturcas e mai particularament prèp de la vila de Manbech. Turquia insistís que las YPG se devon retirar.
"Se Turquia ditz que dintrarà en Manbech, dintrarà. Mas coordinam aquò amb lo procès de retirada dels Estats Units", assegurèt lo cap de la diplomacia turca. "Contunham de manténer de contactes diplomatics (amb los Estats Units) e parlarem sus las condicions de la retirada", a apondut.
Manbech es una localitat estrategica contrarotlada per las YPG dempuèi 2016, quand expulsèron de la meteissa ciutat al grop terrorista Estat Islamic (EI), amb l’ajuda dels Estats Units e la coalicion internacionala antiyihadista.