EDITORIAL | Efrén Beltrán
InfOccitània vos oferís dempuèi tres meses de nòvas d’Occitània, de Catalonha e d’endacòm mai amb l’objectiu d’èsser al fial de çò que se passa al mond.
En mai d’aquò, vos prepausam d’autres articles, los de caire cultural dins d’una amira occitanocatalana per aprochar los legeires occitans a la realitat sòcioculturala catalana. Tanben vos prepausam un entreten mensual fach a d’occitanistas, catalanistas, del monde de de la cultura, de politicians, etc. coneguts o pas del grand public que nos balharàn lor vision sus la societat, lor mestièr e lor ligam amb la lenga occitana.
Anam passar al 2019 amb noveltats nombrosas, en mai de vos oferir las nòvas mielhs escrichas, en seguir la nòrma classica dins l’estandard lengadocian larg amb las eisinas -totjorn melhorables!- dels traductors automatics de la gencat.cat e del congres.org en mai de lors basas de donadas (Term’òc, Dicod’òc, ...) e de l’AALO.
De vòstra part, nos farà plaser de nos far arribar de nòvas de çò que se passa dins vòstra vila o barri per enriquir los contenguts d’InfOccitània. O podètz far a nòstra adreiça electronica: redaccion@infoccitania.com
Esperam que la dralha informativa novela tot en òc que vos prepausam siá satisfactòria. Per aquò far, ensanjarem de vos balhar las informacions actualizadas cada jorn e d’introdusir mai d’articles que sián del vòstre interés.
Vos desiram un urós 2019 plan granada e plan acompanhada!
Coralament vòstre,
Efrén Beltrán, director.