Fins a 15.000 personas son sortits dins la carrièra a protestar aquel dimenge a Budapèst, Ongria, per mostrar lo sieu refús a la controvertida reforma laborala aprovada aquela setmana pel govèrn ongrés en mans del fascista Viktor Orbán. La protèsta l'an convocada l'oposicion e los sindicats. Los manifestants an protestat tanben contra lo còp d'estat a la democracia que lo govèrn Orban a fach en eliminant amb una nòva lei l'independéncia de la Cort suprèma d'Ongria, que passa ara a èsser controtlat pel govèrn, mejançant lo ministèri de Justícia.
Nomenada popularament "lei de la esclavatge", elèva lo nombre d'oras extresannalas autorizadas de 250 a 400 e permet las pagar amb 36 meses de retard. Autoriza tanben que los entrepreneires pòscan obligar los sieus trabalhadors a trabalhar sièis jorns a la setmana.
Aquela es estada la quatrena jornada de protèstas e se son faches tanben de manifestacions en autras sièis grandas vilas del país e dins qualques capitalas europèas, coma Londres o Copenaga. Protèstas contra las politicas del primièr ministre nacionalista conservador, ViktorOrbán, que governa amb majoritat absoluta dempuèi lo 2010. Fòrça manifestants portavan qualque pèça de ròba de color blanca per mostrar lo sieu caractèr pacific. Las autras tres manifestacions, per contra, òc qu'acabèron amb afrontaments amb la la polícia, que faguèt un total de 57 detencions.
S'i son poguts sentir de lèmas coma "Serem pas esclaus", "Defòra Orbán" o "Ne sèm fartes". tanben "Bon Nadal, senhor primièr ministre", allusion ironica al fach que, pendent un debat parlamentari, e quand li caliá respondre a las questions de l'oposicion, Orbán se limitèt a desirar de bonas fèstas. Entre los eslogans i aviá tanben peticions a l'UE per qu'intervenga e abolisca lo govèrn fascista d'Orbán.
La marcha multitudinària contra Orbán a traversat lo centre de la capitala ongresa, dempuèi la plaça dels Eròis fins a la carrièra de la Constitucion, près del Parlament. S'es acabat sens incidents, malgrat las alèrtas de l'oposicion que i podiá aver infiltrats per "tractar de causar de rambalhs, en servint los interèsses del govèrn".