Amb motiu de l'inauguracion del Tribunal Administratiu de Niça, Nicole Belloubet, Ministra de Justícia francesa, anoncièt, en nom del Govèrn, la volontat de creacion d'un tribunal a Occitània. Tolosa a ja anonciat qu'es candidata.
L'evolucion dels litigis als tribunals administratius de Bordèus e Marselha exigís la creacion d'un tresen tribunal a Occitània per satisfar melhor las demandas dels ciutadans. En efièch, lo Tribunal de Marselha recep 5.050 cases per an de mejana e lo tribunal de Bordèus es lo tresen, amb 4.230 cases.
Lo cònsol de Tolosa, Jean-Luc Moudenc, a ja fach conéisser la siá posicion en las rets socialas: "Feliç que la sol·licitud que he fet a @justice_gouv ha donat fruits. Em satisfà la voluntat de Belloubet de crear un nou Tribunal Administratiu d'Apel·lació a Occitània. Proposem que sigui a Tolosa".
Aqueles tribunals d'apellacion son objècte d'apellacions contra las senténcias dels tribunals administratius de la siá jurisdiccion. Occitània a tres tribunals administratius: Nimes, Tolosa e Montpelhièr. Lo Tribunal Administratiu d'Apellacion de Bordèus (Nòva Aquitània) es a la jurisdiccion del Tribunal Administratiu de Tolosa de Lengadòc. Los tribunals de Nimes e Montpelhièr apertenon a la jurisdiccion del Tribunal Administratiu de Recorses de Marselha (PACA). Una anomalia legala per fòrça professionals juridics.