Sensacion de pre-guèrra a Ucraïna e estat d'excepcion

Lo conflicte entre Ucraïna e Russia creis e menaça d'originar una confrontacion. Ucraïna proclamèt ièr l’estada d’excepcion a l'encòp que metiá en maximala alèrta las siás fòrças armadas. Èra la responsa a l’afrontament de vaissèls de totes dos païses a la mar d’Azov e lo barrament consecutiu d’aquela mar per la marina russa. L’estada d’excepcion a tanben un compausant intèrne important: poiriá permetre al president d’Ucraïna Petrò Poroixenko d’ajornar qualques meses las eleccions presidencialas que Iúlia Timoixenko, ex-primièra ministra e dirigenta de la Revolucion Iranja, se presentava amb possibilitats de ganhar.

Ucraïna declara l'estat d'excepcion après que Russia capturèt tres vaissèls e 24 marinièrs ucraineses a l'estrech de Kertx aquel dimenge. Lo Parlament ucrainés, a acordat que l'estat per excepcion dure 30 jorns e afècte solament las regions mai expausadas a la menaça russa. La tension, doncas, puja de ton amb lo fons dels afrontaments per l'invasion russa de Crimèa.

L'armada e civilas, tanben mainats, an començat a crear de proteccions militaras dins la vila de Mariúpol, davant la temor a una nòva ofensiva russa. L'aplicacion de la lei marcial es un passatge inedit que s'èra pas fach jamai fins ara, quitament pas quand Russia ocupèt l'èst d'Ucraïna.

Dissabte Russia empediguèt lo passatge de vaissèls ucraineses a la mar d’Azov e acusèt Ucraïna de violar las siás aigas territorialas. L’armada d’Ucraïna acusa als guardas de las còstas russas de capturar tres de los sieus vaissèls e de tirar e ferir unes membres de la flòta ucrainesa que se dirigissiá a l’estrecha de Kertx, que separa las mars Negras e d’Azov.