Los deputats daneses Pelle Dragsted, pòrtavotz de questions democraticas de l'Aliança Roja-Verda, Eva Flyvholm, pòrtavotz d'Exterioras de la meteissa formacion, e Magni Arge, deputat dins lo Parlament danés per las islas Feròe an visitat los preses politics independentistas catalans dins la preson de Lledoners, Catalonha.
Los parlamentaris de Dinamarca se son mostrats preocupats pel jutjament qu'auràn d'afrontar los dirigents independentistas e an denonciat lo perilh que supausa per Euròpa far pauc cas de la situacion de Catalonha. Dragsted Denóncia lo fach qu'un estat "resòlga problèmas politics en empresonant los sieus adversaris".
A la sortida de la preson, Dragsted a assegurat qu'an trobat los activistas socials catalans Jordi Cuixart e Raúl Romeva amb fòrça fortalesa d'ànims, "mas conscientes de la situacion e preocupats pel jutjament". A explicat que los an visitats per los donar "supòrt" e, a l'encòp, poder transportar dins lo sieu país çò qu'an vist.
Lo deputat danés a remembrat que qualqu'uns d'eles participèron coma observaires internacionales lo 1-O e assegura que s'imputan als activistas catalans unas acusacions "que son messorga". Dragsted a denonciat que los caps catalans afrontan un "jutjament politic".