Lo president de Catalonha, Quim Torra, a apostat per una tèsta democratica" de sobeiranistas catalans, bascs e galhècs per "somar d'esfòrces" a las eleccions europèas del prèp mes de mai.
En una conferéncia al teatre Kursaal de Sant Sebastian, al Bascoat, intitulada "Catalonha: sobeiranetat, democracia e libertat", Torra a acceptat la proposicion que faguèt Arnaldo Otegi, cap de la formacion nacionalista basca Bildu, e i a somat las formacions nacionalistas balearas (Mallorca) e valencianas.Lo president de la Generalitat a defendut que, en lo camin de la "recuperacion de la sobeiranetat", Catalonha e lo Bascoat pòdon s'ajudar per véncer çò qu'a qualificat d'excès d'autoritat espanhòla". En aquel sens, a recomandat al nacionalisme basc qu'establisca una "coordinacion establa amb objectius partejats" perque solament la "generositat e unitat" an portat, segon el, Catalonha "mai luènh que ma, a las pòrtas d'una Republica independenta".
Al miègjorn, lo president Torra s'es amassat amb lo president basc, Íñigo Urkullu, a Ajuria Enea. Torra e Urkullu an constatat que Catalonha e Bascoat van a ritmes desparièrs" en lo sieu camin cap a "la libertat".
Abans de la conferéncia, Torra s'es amassat amb lo coordinator general de Bildu, Arnaldo Otegi, al meteis Kursaal. Après la conferéncia, lo president de la Generalitat e lo cap abertzale soparàn per parlar del drech a l'autodeterminacion, la resolucion politica al conflicte catalan e explorar de formas de cooperacion entre sobeiranistas catalans e bascs.