Unes uasses trobats en territòri del Vatican reviscòlan lo cas de doas mendres desaparegudas fa 35 ans. Las pròvas d'ADN auràn d'esclarir se s'agís de las mendres desaparegudas Emanuela e Mirella, de 15 ans.
La polícia italiana met en examen unes uasses umans que se son trobats a l'ambaissada del Vatican a Roma pendent unas òbras de remodelament. Lo Vatican a confirmat la trobalha de rèstas umanas en un local annèx a la NunciaturaApostòlica, que i a dins la carrièra Pò, a Roma, près lo musèu de la Villa Borghese. Las autoritats catolicas o an comunicat a la polícia italiana, qu'a dobèrt l'investigacion.
Lo fiscal en cap, Giuseppe Pignatone, a ordenat a la polícia scientifica que determine lo sèxe, l'edat e la data de la mòrt de la persona o personas a qui apertenon las rèstas. Las pròvas d'ADN auràn de resòlvre lo mistèri.
Mas sulpic la trobalha s'es ligada a dos cases que se son pas resolguts dempuèi fa 35 ans. Las desaparicions de Emanuela Orlandi e de Mirella Gregori.
Lo jornal italian "La Repubblica" apunta que la trobalha poiriá èsser ligada al cas de la desaparicion, lo 1983, de Emanuela Orlandi, la gojata de 15 ans filha d'un trabalhador del Vatican. Lo meteis an, un mes abans, una autra gojata de 15 ans, Mirella Gregori, aviá desaparegut tanben. Cap dels dos cases s'es resolgut.
La desaparicion de Emanuela Orlandi en un primièr moment se liguèt amb un supausat assag de liberar Mehmet Ali Agca, l'òme que tirèt contra lo papa Joan Pau II lo 1981. Mirella sortèt d'ostal en disent qu'anava se trobar amb una amiga. Dos ans après la maire de Mirella, en una vista del papa Joan Pau II a Roma, identifiquèt un membre de seguretat del pontife coma l'òme que vendiá sovent a reculhir la siá filha a l'ostal.
