La caravana de refugiats procedentes de Honduras arriba a Ciutat de Mexic

Una embromada Ciutat de Mexic recebrà dins los prèps jorns a la majoritat dels milièrs de refugiats de la caravana que sortèt de Honduras lo passat 12 d'octòbre de 2018. Los primièrs centenats arribèron aquel dimenge e s'agròpan ja a las grasas de l'Estadi Jèsus Martínez de la capitala mexicana.

Son fòrça cansats. La majoritat, arribèron a pena, se cobriguèron amb las flaçadas que los regalèron e se metèron a dormir. "Es estat un viatge extrèmament malaisit. Sustot pels mainats. Avèm caminat fòrça jorns, en patint la calor del sol, de la pluèja e sèm passats de còps fam", explica un d'eles. Arribar a la Ciutat de Mexic representa una esperança pels refugiats.

"Es lo luòc que cresèm mai segur", explica Rodrigo Abeja, de l'ONG Pòbles sens Frontièras, qu'a acompanhat la caravana dempuèi los sieus inicis. Abeja considèra qu'es un ponch "crucial". Explica que la recebuda dins la capitala es estat melhor que dins autres estats e amb una vision mai umanitària, doncas qu'envièron a avançadas unitats d'atencion medica, psicologica e de neurituds.

Los refugiats esperan que la Ciutat de Mexic siá un ponch de reünion per las desparièras ondadas de personas que caminan dins lo país, entre 5 e 8 mil, segon desparièras fonts. "Saurem aicí qué far d'ara enlà", ditz Guadalupe García.