Espanha demanda entre 25 e 16 ans pels preses politics catalans independentistas

La Fiscalia Generala de l'Estat espanhòl a fach publicas aquel divendres las peticions del jutjament contra lo procès independentista: demanda 25 ans de preson per la exvicepresident de la Generalitat de Catalonha, Oriol Junqueras, 17 ans a l'expresidenta del Parlament de Catalonha, Carme Forcadell e 16 pels cinc exconselhièrs catalans que son dins la preson -Joaquim Forn, Jordi Turull, Raül Romeva, Josep Rull e Dolors Bassa.

Es estonant qu'Espanha demande de penas de preson per una declaracion d'independéncia pacifica e democratica. Mas, de mai, sembla ridicul que demande mai ans de preson pels activistas socials independentistas e pacifistas que per la majoritat de membres de govèrn. Demanda 17 ans pels activistas socials independentistas Jordi Cuixart e Jordi Sànchez. Aquelas penas las demanda la fiscalia per totes los membres del govèrn empresonat, l'expresidenta del Parlament e los caps del ANC (Assemblada Nacionala Catalana) e Òmnium, tanben dins preson preventiva, cossent damb lo delicte de rebellion que considèra qu'an comés coma caps del movement independentista.

En concrèt, la fiscalia espanhòla los aplica a totes eles los ponches primièrs, cinquen e seten de l'article 472 del Còdi Penal espanhòl, e tanben lo primièr de l'article 473, coma "promotors e/o de caps principals" de la supausada rebellion. Ne demanda tanben l'"inabilitacion absoluta" a cadun pels meteisses ans de la peticion de preson, en aplicacion de l'article 478.

Cossí que lo procès judicial manten un marcat caire politic e garantís pas de cap de manièra la neutralitat, son fòrça las voses a las rets socialas que demandan al Conselh d'Euròpa que i aja observaires internacionales al jutjament que garantiscan un procès neutral als acusats independentistas e pacifistas.

Malgrat que tot lo procès independentista catalan es estat entièrament pacific, en l'escrit d'acusacion, la fiscalia espanhòla considèra a Junqueras maximal responsable d'un " suslhèuament generalisat, resquitat d'actes de fòrça, agression e violéncia", que faguèron respondre lo rei espanhòl amb lo messatge agressiu contra una de las parts del 3 d'octòbre del 2017. Fin finala, i a pas agut la meteissa peticion de penas per l'exconselhièr d'Interior Joaquim Forn. A Forn la s'acusa tanben del delicte de rebellion, mas en un escalièr desparièr, la de comandaments subordinats, que causa la pena que se demanda per el es de 16 ans, en i somant un supausat delicte de despensa de cabals publics que caldrà ara demostrar.