La polícia catalana a informat que fa unas setmanas detenguèron a la populacion de Terrassa un òme d'ideologia fascista e nacionalista espanhòla, Manuel Murillo, de 63 ans, que voliá atemptar contra lo president espanhòl Pedro Sánchez coma venjança per l'òrdre de traslat de las rèstas del dictator fascista Francisco Franco.
Lo detengut, qu'aviá pas antecedents policèrs de cap de tipes, es ara dins la preson de Brians 2. S'agís, segon lo jornal 'Público', d'un expèrt en armas de fuòc. A la siá estança, la polícia i trobèt un arsenal de 16 armas de fuòc, compresas escopetas de nauta precision e armas d'assaut. Es filh del que foguèt darrièr cònsol franquista de Rubí, Manuel Murillo Iglesias.
La defensa del fascista argumentèt que las siás manifestacions en un chat de WhatsApp “an d’s'interpretar en lo contèxt de la problematica politica arribada a Catalonha”.
La defensa del fascista argumentèt que las siás manifestacions en un chat de WhatsApp “an d’s'interpretar en lo contèxt de la problematica politica arribada a Catalonha”.
Cònsta aital en la senténcia de l’Audiéncia de Barcelona del 6 de novembre que confirma la preson per Manuel Murillo après que lo sieu avocat presentèsse recors d’apellacion contra la interlocutòria de la jutjada d’instruccion numèro 3.
Lo magistrat José Antonio Lagares Morillo sosten que los indicis existents contra Murillo son “clares” e que la possibla condemna a divèrses ans de preson per la “gravetat” dels delictes que se li imputan “pòt animar a la fugida”.
