Lo "Bogue d'Or" es un festival organizat per l'associacion culturala bretona dels Païses de Vilaine (en lenga bretona "Bro Traoñiennoùar Gwilen"). L'acte debana dins la vila bretona de Redon, la quatrena dimenjada d'octòbre. Creat l'an 1975 a iniciativa de Jean-Bernard Vighetti, aquela amassada festiva preten promòure lo cant, la musica e lo conte tradicional de la Bretanha superiora
Per la 43a celebracion del festival, l'associacion culturala bretona dels païses de Vilaine a escuelhut a l'Occitània coma convidada d'onor. Amb un concèrt destacat, aquel dimenge 28 d'octòbre, a la 17.30 h, del grop provençal "Lo Còr de la Plana", de la zòna de Marselha.
Tal e coma explican dempuèi l'organizacion, "defendèm aicí una cultura viva. Aquel es tanben lo cas d'Occitània, amb fòrça gents inspiradas en çò que nos pòdon donar las tradicions. Aiçò nos interèssa " , ditz Fabienne Mabon, coordinatritz del Grop. Per far un "efièch miralh" , se convidèt l'associacion Granja. "Fa lo meteis trabalh que nosautres a lo nòstre territòri, amb un material desparièr".
Lo País de las Vallons de Vilaine amassa dos grops de comunas del departament de Ille e Vilaine: lo grop de comunas del Vilaine Mejan e del Semnon e lo grop de comunas del costat de Guichen. Cada an, lo grop cultural breton dels païses de Vilaine convida un territòri amb una quita cultura. Après los Balcans, l'an 2017, aquela 43 ª edicion del festival onora a l'Occitània.