Perpinhan, Catalonha Nòrd, a celebrat una jornada solidària amb los preses politics e exiliats un an après l’aplicacion del 155 e l’exili del govèrn catalan. La plaça de la Victòria s’a emplit d’
estelades en un acte qu'a comptat amb la participacion a distància del President de Catalonha a l'exili, Carles Puigdemont, la presidenta de l'entitat sociala independentista Assemblada Nacionala Catalana (ANC), Elisenda Paluzie, aital coma lo represalhat Jordi Pesarrodona.
En lo sieu discors, Puigdemont a apelat als laces istorics que jonhon ‘nòrd e sud’ e a assegurat que ‘la Republica Catalana se constituirà de bas cap a naut’ amb ‘totes los catalans’. Lo president, de mai, a animat a contunhar los actes de supòrt al procès d’independéncia dempuèi lo nòrd.
Per çò qu'es de Elisenda Paluzie a mercejat lo supòrt del nòrd-catalan en la logistica del referendum, mas tanben de l’exili davant la repression de l’estada espanhòla. De mai, a assegurat que ‘un estat catalan en forma de republica’ contribuirà a situar Catalonha del Nòrd al luòc que li pertòca e a preservar lo catalan. A anonciat que tanben la prèpa reünion de l’ANC se farà lo 10 de novembre a Perpinhan.
